احصائيات

عدد إدراجاتك: 9

عدد المشاهدات: 1,622

عدد التعليقات المنشورة: 0

عدد التعليقات غير المنشورة: 0

دفتري.كوم
تصفح صور دفتري تصفح اقتباسات دفتري تسجيل / دخول






Articles

الدمايطة ونظرية الشخشيخة ( الجزء الثاني)


موبكو 2011 لماذا الآن؟!


 طبعاً مش كل الناس اتضحك عليهم بخدعة تركيب الدقن وفضل ناس مكملة الكفاح منهم دكاترة في كلية علوم دمياط بجانب بعض الشباب الواعي وأيضاً المواطنين الشرفااااء.

المهم أصلاً ان من المرة الأولى تقارير وزارة البيئة واللجان المشكلة ولجنة  كلية علوم جامعة المنصورة قالت ان المصنع ممكن يُقام  ولكن بتنفيذ بعض التوصيات.

المهم آخر تقرير كان فيه توصيات ومنها.
- عدم استخدام مياه النيل وتحلية مياه البحر واستخدامها في التبريد.
- عدم تصريف المياه في البحر أو محطة صرف رأس البر.
- استخدام المياه التبريد المصرفة لزراعة غابة شجرية غير مثمرة حول المصنع.

الشخشيخة: 

يقال والحجة على الراوي ان فيه شيخ (سلفي يمكن الإعلام يسخن ويروحوا هناك) عنده أراض في السنانية تقع في نطاق الغابة الشجرية المزمع انشائها، قوم ايه بقى شخشخ بالشعب!  وهو ع المنبر يوم الجمعة يسخن الناس عشان يقوموا يقطعوا الطريق ويكسروا في عربيات البشر ويقولهم ان مفيش حل غير كده.

طبعاً الانتخابات في دمياط مرحلة أولى يعني اليومين دول عز الدعاية الانتخابية، انزل ياعم المرشح شخشخ بالشعب!


طيب والحل: 

أنا مليش دعوة! 

في وجهة نظري الشخصية والمتواضعة المصنع مينفعش يتوقف لأن هنخش ف محكمة دولية وهنتشلوح ومتسألنيش يعني ايه؟ وكمان المصنع فاتح بيوت آلاف سواء من دمياط وبراها طبعاً ده بصفة مؤقتة لحد ما ينتهي الانشاء الطاقة الاستيعابية بتاعته مش كبيرة :D 

يبقى نتظاهر بسلمية ونرجع لشياكة 2008 ونضغط لحد ما يتعدل الوضع البيئي للمصنع وتنفيذ توصيات اللجنة.
بس كده؟ لأ طبعاً اللجنة توصياتها بيئية عاوزين لجنة اقتصادية تراجع العقد وتصححه من حيث أسعار الغاز والمياه وإلزامهم بتوفير فرص عمل داخلية وان لا يتم التصدير الا بعد الاكتفاء محلياً. والبيع للفلاح المصري بسعر مدعم


نداء أخير: 

أخي الدمياطي، أختي الدمياطية أقف معك قلباً وقالباً في موقفك ضد المصنع بس وحياة أبوك ياشيخ بلاش تكون شخشيخة!

-أكثر شعب في مصر فشل كلوي وفيروس سي  وبيقولوا أورام هو الشعب الدمياطي. أومال!سبع دول بيعملوا بيبي في المياه بتاعتنا بخلاف 85 مليون مش عايزها كده!
- وكمان بحيرة المنزلة يامؤمن! نسبة الرصاص فيها أضعاف المسموح به عالمياً اوعى تاكل سمك منها.
- وعندنا بحر جوه وبره وشوف مصر طول ساحلها قد إيه وبنروح نصطاد من بره ويرجعوا يقولوا اتخطفوا ف الصومال.
-عندك أكثر من 7 مصانع بتروكيماويات جوه ميناء دمياط  وانت واقف ضد موبكوا افتكرهم بحاجة.
-مياه رأس البر عروس البحر الأبيض المتوسط، بقت أوسخ مياه ولونها بقى أسود بسبب الصرف في البحر وبسبب السفن اللي بترمي الزيت ف البحر. ابقى اقف وقفة معاها!
- والنبي وانت معدي على الشعراء! ابقى اعمل وقفة ضد ورش البوليستر اللي مبنية جوه البيوت والناس هناك رئتهم بقت شبه الاسفنجة!
-  عالهامش وانت هناك يارجولة قولهم بلاش الشغل السوقي ونرجع نشتغل شغل الزبون بتاع زمان وقوله بيع كتير واكسب قلبل أحسن ما تعوره ومعدش هيجيلك تاني ولا يبعتلك حد!
- وحياة أبوك ياأخي لو عندك حتة أرض زراعية ما تبني عليها البلد بقت عبارة عن عشوائيات.
-وحياة الغاليين عندك لو انت بلدك ع الطريق اعمل كوبري فوق الطريق للمشاه وبلاش المطبات.
-طب وميدان سرور ياعمي! بلاش تكسر عربيات الناس وتولع فيها دول بيسترزقوا زيهم زيك!
-و غلاوة ساندوتشات سافو! لا ترجع تتظاهر بكل ذوق ورقة وأدب زي 2008.

وحياة أمك ياشيخ ما تبقى شخشيخة!

أيوة أنا محرض! حتى لا ننسى بعد ما نحل مشكلة  في طلخا عشان المصنع بتاعهم مبني جوه البيوت وكمان أخواتنا في بورسعيد وفيه حوالي 170 مصنع في مصر بالشكل ده ياللا بينا!  

-------------------------------------------------------------------------
لو فاتك الجزء الأول هتلاقيه هنا :  الدمايطة ونظرية الشخشيخة ( الجزء الأول)

اضافة تعليق


مسجل في دفتري
نص التعليق
زائر
نص التعليق

مهندس
10:30ص | 12 تشرين الثاني، 2011
مقال رائع ويارب الناس تفهمعلى فكرة انا شغال في المصنع من 2007و باؤيد كلامك و خصوصا ان قيادة المظاهرات الاولى كانت من الحزب الوطني بايعاز من الحكومة!!!!!!!!علما بان المصنع به اشتراطات بيئية ممتازة
مهندس
10:30ص | 12 تشرين الثاني، 2011
مقال رائع ويارب الناس تفهمعلى فكرة انا شغال في المصنع من 2007و باؤيد كلامك و خصوصا ان قيادة المظاهرات الاولى كانت من الحزب الوطني بايعاز من الحكومة!!!!!!!!علما بان المصنع به اشتراطات بيئية ممتازة