احصائيات

عدد إدراجاتك: 9

عدد المشاهدات: 1,622

عدد التعليقات المنشورة: 0

عدد التعليقات غير المنشورة: 0

دفتري.كوم
تصفح صور دفتري تصفح اقتباسات دفتري تسجيل / دخول






Articles

الدمايطة ونظرية الشخشيخة ( الجزء الأول)


أجريوم 2008


في 2008 حصلت وبكل أدب وسلمية مظاهرات في دمياط ضد مصنع أجريوم اللي جابته الحكومة النظيفة، وكان الموضوع ده فاكهة التوك شوز وكان زي اللبانة ( ده عشان التعتيم الإعلامي دلوقتي).

 

المصنع كان مرفوض لأسباب كتير منها (ده من قبل المصنع ما يتبني أساساً):

 

بيئياً وصحياً: عشان الانبعاثات الناتجة عن الصناعات النيتروجنية،تلويث الجو، مياه التبريد هيتم صرفها في البحر.

 

اقتصادياً: العقد كان مجحف للغاية لمصر بالرغم من تسعير الغاز بالسعر العالمي (وده أنا مش مصدقه  لأن السعر أكيد مدعم ده سامح فهمي يابيه) إلا ان الانتاج كله هيكون لصالح أجريوم. ده بالإضافة للتأثير على الثروة السمكية والمياه اللي هيتم سحبها من النيل ببلاش.

 

الشخشيخة:

 

أيوة فين هنا بقى نظرية الشخشيخة؟

1-       في الوقت ده كان فيه مصنع حكومي ( موبكو)  وده كان أسوأ من  أجريوم بمراحل موجود وشغال جوه المنطقة الحرة في المينا على بعد 268 متر من موقع أجريوم.

2-       أجريوم كان هيقام بره المينا يعني في رأس البر  وكان فيه نواب ورجال أعمال عندهم أرض وهيعملوها قرية سياحية. طبعاً بعد المصنع انسى! نعمل ايه شخشخ بالشعب!

3-       نواب مجلس الشعب حبايبنا الحلوين،هيعملوا ايه؟ خدلك بونتين محبَة شخشخ بالشعب! وانزل اشتم وقدملك استجوابين واطلع مع عمرو أديب ومعتز فرصة العمر يابرنس!

4-       المحافظ  )وزير الاسكان الحالي) كان مع الحكومة والمصنع في الأول بس بعد اتشتم واتهزق وكان هيتضرب من الدمايطة وقف ورفض وشجب وندد وأدان. شخشخ بالشعب! كان هيقال في الحركة دي بس بردو الدمايطة سندوه ورفضوا ودلوقتي بقى وزير مبروك عليك ياعم عد الجمايل!

 

طيب نعمل ايه يارجالة، تعالي يانظيف تعالوا يا نواب تعالوا يارجال الأعمال تعالى يا برادعي (المحافظ)؟

 

الحل: احنا نركب دقن وموبكو تستحوذ على أجريوم، كانوا عاوزين يبنوا مصنعين يشربوا المصنع بتاعنا ويستعدلوه ويطابقوه للشروط البيئية أصل احنا اتضحك علينا فيه ويبقى ده واحد ويبنوا التاني جنبه. يا حضرة النائب: هنقول للناس المصنع اتنقل السويس والانتخابات قربت اعملك دعاية حلوة ف الدايرة وعَيّن ولاد الدايرة ف موبكو ماهو ده مش أجريوم! ومفيش مانع من انك تاخد رشوة وقد كان! وياعم البسبس مان: ابن بيتك قصدي قريتك السياحية براحتك وبيع وتاجر ف الأراضي بس لم الليلة، ويابرادعي دي قرصة ودن بس متعملش كده تاني وهنخليك بطل قومي دمياطي ولا لويس التاسع :D

 

وخرجوا علينا قائلين: خلاص المصنع هيتقفل ويتنقل السويس ولم حاجتك يابني انت وهو ملكوش مصانع عندنا. مرضي يا عم الدمياطي؟ أيوة مرضي وأقمنا الأفراح والليالي الملاح وأضفنا " والمصنع" تحت كوبري السنانية لتصبح المقولة الشهيرة

 

" احنا اللي نقلنا الكوبري والمصنع" ده طبعاً قبل ما نضيف "وحررنا الأسرى" بعد موقعة الصومال البحرية الشهيرة.

------------------------------------------------------------



اضافة تعليق


مسجل في دفتري
نص التعليق
زائر
نص التعليق